اليوم غير كل الأيامليه؟ لأنو اليوم أول يوم بفصل الربيع؟ لأ...لكن اليوم عي
March 21, 2016 by gyzmak08
اليوم غير كل الأيام
ليه؟ لأنو اليوم أول يوم بفصل الربيع؟ لأ...
لكن اليوم عيد؟ أكيد
اليوم الدني كلها معيدة
"بعيدك يلي إنت العيد"
وشو بتلبقلك هل كلمة
يا "ست الحبايب يا حبيبة، يا أغلى من روحي ودمي"
ومين أغلى منك عل قلب؟
بوجودك بتبلش الحياة و بغيابك منحس رح تخلص الدني.. وما مننلام...
أقل شي أوقات نقول "أحن إلى خبز أمي وقهوة أمي ولمسة أمي"
ليش في أطيب من الطبخ اللي مننطرو من يوم ليوم ومن القهوة اللي ما بتحلى القعده من دونا؟
وفي أغلى من بوستك على جبينا وغنجك النا تنرجع زغار بثواني قليلة؟ ..."ماما يا ماما، دخلك يا ماما"
ومين النا غيرك نشكيلو و نستشيرو من دون إستئذان؟
ما غلط اللي قال "بعيدك يا ماما، بعيد الأعياد"
بهل نهار، بتكتر الكلمات ومع هيك كلمة شكر قليلة وما بتكفي لنعبّرلك عن اللي جوّاتنا
بس عل قليلة نقلك إنو منحبك و إنو غمرة وحده منك بتسوى العمر كلو يا أغلى الناس، يا أكبر من أي إحساس
#HappyMothersDay #MothersDay #Mom #Mother #woman #occasion #Beirut #Lebanon #goodvibes #thegoodquote #dailypen
by gyzmak08 / Instagram