٧ ايام.٧ ايام انتفاض.٧ ايام ثورة.٧ ايام وما وقف نبضنا.جرّبوا يوقفونا. ج (Lebanon)
October 23, 2019 by gyzmak08
٧ ايام.
٧ ايام انتفاض.
٧ ايام ثورة.
٧ ايام وما وقف نبضنا.
جرّبوا يوقفونا. جرّبوا يستغبونا. جرّبوا يقمعونا. جرّبوا يخوفونا. جرّبوا يفرقونا.
واليوم، باليوم السابع، من كل الطوائف والأديان، من كل مناطق لبنان، مكملين. مش رح نتعب، مكملين! مكملين ليفلّوا كلّن. كلّن يعني كلّن.
إذا راح الوطن ما بيجي غيرو.
خلصنا ذل واستهتار بالناس وأرواحن وصحتن ومعيشتن وكفائتن. خلصنا سرقة وفساد وترهيب وقمع. خلصنا مص دم للشعب. خلصنا هجرة وتهجير. خلصنا عالم تموت ع باب المستشفى. خلصنا توريث سياسي. خلصنا تبهدل بالمطارات والسفارات بسببكن.
يلي بيسرق مرة، بيسرق مرة تانية. يلي بكذّب مرة، بكذّب مرة تانية ويلي بِخون الثقة مرة، بِخونها مرة تانية. الثقة فقدتوها من زمان. وهلأ صار وقت نغيّر. صار وقت نثور. صار وقت نحقّق الحلم.
من قلب لبنان، من قلب بيروت، من قلب المتن، من قلب كسروان، من قلب الجنوب، من قلب الشمال وساحة النور اللي كسرت كل القيود وعملت تغيير جذري، صرخة لكل العالم: إجا وقت نحاسب. لبنان يثور. لبنان ينتفض!
بدنا لبنان اللي طول عمرنا نحلم فيه. لبنان إلنا مش إلن.
ولكل اللي بعدو نايم او عم يقنع حالو انو مبسوط وراضي أو ما رح يتغيّر شي أو بدو تغيير بس بعدو قاعد بالبيت وناطر الفرج بفتكر صار لازم توعى ع حالك وع وضعك. بِكفّي.
غداً يومٌ آخر... .
.
.
.
#لبنان_ينتفض #ثورة #كلن_يعني_كلن
#livelovelebanon #livelovebeirut #lebanon #beirut #lebanonprotests #lebanonrevolution #october2019 #revolt #faith #belief #lebanese #proudlebanese #revolution #wakeup
@protestslebanon
@livelovebeirut
@liveloveleban0n
@lemondefr
@cnn
@time
by gyzmak08 / Instagram